كابتن عربى شخصية من الزمن الجميل

ٍس_ اتشرف بحضرتك فى البداية؟
اسمى سيد حسن عبدالله
س- شهرتك فى الملعب ؟
عربى كربونى
س- متى كانت بدايتك فى مجال كورة القدم؟
انا بدات من ايام البلد القديمة وكان فى مجموعة من الاعبيين امثال الكابتن يعقوب عبد الرحمن كابتن محمد فولى كابتن المرحوم داوود وردى ك مصصطفى كته كابتن تنوم

ك حسن ابراهيم مصطفى بكل وكان فى الوقت ده كابتن بتاعنا بيكنباور ادندان محمد حسن صالح
وتعلمنه منه الكتير خاصة لمسة ولعبة كان شخصيته قوية جدا لدرجة كان فى ماتش القاهرة والجزيرة
بطولة كاس المنطقة الجنوبية وكان زميل الدراسة معايا كابتن بغدادى كنا فى الثانوية العامة
وتحدثت مع اخى رحمة الله عمر كربونى حتى العب اللقاء ولكنه منعنى من الخروج من المنزل
وفجاءة ارسل الكابتن محمد حسن صالح سيارة واخذنا بهدوء وكان اللقاء قد بدا وانتهى الشوط الاول
1\صفر ولعبنا فى الشوط الثانى وانقلب الحال وفزنا باللقاء 2\1 وحملونا على الاعناق
وبعد كده سافرت الكويت وانا طالب فى الجامعه ووجدت رفاقى بالكويت امثال مصطفى كته تنوم
جمال حسيين وكان معانا انسان عزيز رحمه الله الكابتن محمود حلجة.
س- ماهى اسباب اختفاءك من الجمعية واللجنة الرياضية؟
باختصار شديد المناخ كان غير ملائم وانا اصلا هوايتى وكل حياتى كورة القدم امكانياتى بتقول كده
حتى تم عمل نادى ثقافى رياضى بالجمعية اختيار المشرف الرياضى حاصل على بكالوريوس تربية
رياضية او كان يعمل فى مجال التدريب انا اول من زاول مهنة التدريبب حتى الوقت الحالى الحمد لله
وان المشرف الرياضى هو المسؤال والاخير لاختيار الجهاز المعاون كل الصلاحيات.
هل يكفى ذللك البعد عن المنظومة الرياضية
س- ما الفرق بين جيل الرحوم عمر كربونى والجيل الحالى؟
ج - فرق شاسع اخلاقيات الاعبيين الامكانيات سوء التنظيم والتدخلات الكثيرة ولكن جيل اخويا
عمر رحمه الله الحب التفاهم الاحترام وانا بتمنى التوفيق ان شاء الله.
س- ما هى اسباب اختفاء ابنك حسام من الملاعب؟
ج- ابنى كان بيعامل معامل سيئة فى الملعب مع العلم الكل بيعرف امكانيات ابنى حسام وبيلعب فيين
س- موقف جميل فى حياة الكابتن عربى كربونى ؟
ج- كان فى ماتش بين الترسانة وطلاائع الجيش وعامر صبرى كان بيلعب وبعد نهاية اللقاء عندما
شاهدنى الكابتن عامر صبرى وصل عندى بسرعه غريبة بعد نهاية اللقاء واخدنى بالحضن وسط
ذهول الجميع .
س- موقف صعب فى حياة الكابتن عربى كربونى؟
ج- بصراحة انا حزين جدااااااا لاا اصابة ابنى حسام كان فى لقاء بين الترسانة وحرس الحدود على ملعب
نادى الزماللك وابن كان بيلعب المتش اصيب ابنى حسام والحمد لله على كل حال.
س- ماهى نوع الاصابة لاابنك حسام؟
ج- ارجوك اعفينى لااتعليق
س- ماهى اسباب شغب ابنك حسن كربونى فى الملعب؟
ج- ابنى حسن برة الملعب حاجة تانية والله ولكن حماسه زياده وفجاءة لما يكون موجود على دكة البدلاء
شىء طبيعى جدا لازم يكون عصبى وبعدين مش هيكون احسن من شيكابالا اللى اتنرفز على حسن شحاته.
س- كلمة لمركز شباب ادندان ؟
ج- على فكرة بكل بساطة جدا اللى ملعبش فى مركز شباب ادندان يبقى مشافش كورة وانا اتمنى اعمل
مدرسة كورة وانا بقول لكل ادندان وابناء ادندان اى حد عنده ميول رياضية اهلا وسهلا ان شاء الله
س- كلمة من قلبك لجمعية ادندان؟
ج - لو من قلبى هقول كفاية حرام كفاية حرام .
س- تقصد ايه بكلمة كفاية حرررام ؟
ج- يعنى كل وقت وليه اداان ان شاء الله
س- كلمة لاانسان عزيز عليك قوووى؟
ج - انسان عزيز عليا هو الكابتن الاخ مصطفى كته بقوله متزعلش يادرش
س- ماهى امنياتك لمركز شباب ادندان ومجلس الادارة؟
ج- ربنا يقدرنى وارد جزء لتراب ادندان الجميل بكرر كلامى اعمل مدرسة كورة فى مركز شباب ادندان.
شكرا للكابتن عربى كربونى لسعه صدره
وانتظرونى فى شخصية رياضية اخرى ان شاء الله.

شكرا يسرى كل يوم تقدم لنا الجديد والدرر من كواكب ادندان الساطعه

الكابتن / عربى
من افضل واحسن المدربين الذين تدربت معهم ولا اجامل اذا قلت انه افضل مدرب تدربت تحت يديه على الاطلاق لانه علمنى كتييير اوى فى فنيات الكورة وانا بعتبر موسم 2005 احسن موسم فى حياتى لعبت فيه كورة ومثلت فيه بلدى مع مجموعة من اللاعبين الجيدين واتمنى ان اتدرب معاه تانى وخصوصا اننى وفجأة ابتعدت عن لعب الكرة وسط دهشة الكثيرين واولهم نفسى لاننى كنت اقول لنفسى لن ابتعد عن لعب الكرة مادمت بصحة جيدة وبعيد عن الاصابات والحمد لله ولكن فجأة حدث العكس وذلك قد يكون بسبب عدم الانسجام مع المدربين الذين جاءوا بعد ذلك رغم انهم مدربين كبار .اتمنى ان يأتى اليوم الذى يتصل فيه الكابتن عربى بى ويقول لى اننا سنعود للعب الكرة مرة أخرى .