تعالوا نضحك شويه

واحد حب يوصل بلده بسرعة ركب القطر وقعد يجرى فيه

اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

الراديو:والاعب بيشوط بمشط رجله يااااااااااه بتيجى في المقص صبي الحلاق:إلحق يا معلم بيلعبوا في العدة

الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة

صبى كسلان جدا شغال فى ورشة كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم

مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض

واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة

اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!

مرة إتنين مساطيل واحد بيقول التانى هما القدماء المصرين بنو الهرم فى اد اية .... قالو 50 سنة ...قالو يا لية ؟؟ قالو اصل كل ما يرصوا حجرين الحكومة تكبس عليهم

كمبيوتر قال لكمبيوتر انتى طالق ..... قالت يالهوى والسى دى اللى فى بطنى

صرصار في العنايه المركزه بيسال صرصار جمبه بيقولو بيرسول ........؟ قالو لا فردة شبشب

واحد غبى ... حط إيده في جردل فيه مية نار .... فحس ان صباع من اصابعه ناقصة .. فحط رأسه في الجردل عشان يدور عليه

عدد المساهمات : 32 تاريخ التسجيل : 01/07/2009

مشكوره زهراء النوبة تعالوا نضحك شويه 59385

عدد المساهمات : 431 تاريخ التسجيل : 07/07/2009

ضحكت بما فيه الكفاية وشكرا لكي زهراء النوبة ونتمني الكثير

زهراء اهو كده الشغل ولابلاش بس برضوا الامتياز يا زهراء لاتنازل عنه

مشكور زهراء على النكت الجميلة
ونتمنى المزيد

محمد عطا جمال حمزة

مشكور اخي محمد عطا على المرور والتعليق

مشكور عمو نصر الدين على المرور
الحمدلله اني نجحت في رسم الضحكه على وجه حضرتك

عمو حمدي لك جزيل عل اهتمامك بالتعليق
واوعد حضرتك بالامتياز ان شاء الله

شكرا على النكت الظريفه

بس فى ملحوظه الناس شكرتك على الموضوع فى 2009 وانتى يا زهراء رديتى عليهم فى 2010 وده اكتر حاجه ضحكتنى
واذا عرف السبب بطل العجب

الاخ الغالي سكر مشكور على المرور
هو فعلا الشكر كان في 2010 بس انا للاسف كنت مش بتواجد كتير ولما رجعت الردود لسه شايفها الايام دي فرديت بس ياسيدي هو دا السبب

وبعدين قولي صحيح يعني ايه ردي في 2010 اكتر حاجة ضحكتك يعني الموضوع ماضحك؟؟؟؟؟؟؟؟؟؟؟؟؟؟؟؟؟؟

السلام على من اتبع الهدى

ياستى متتحمقيش عجبنه الموضوع

اسمعى النكت دى بقا بيقولك الصعايده لما عرفوا اننا هنلاعب الجزائر تانى خدوا السلاح و طلعوا على السودان

شكراً يا زهراء علي النكت الجميلة ومجهودك الرائع .

أخي سكر احييك علي النكتة دي وياريت تقبل مني الرد :

واحد جزائري ذبح حفيده لما قاله يا " جدو "

الاخ سكر مشكور على المداخله والتعليق
الاخ خالدفتحي لك جزيل الشكر على مرورك الكريم

» تعالوا نتقرب إلى الله عز وجل
» تعالوا نتطلع للمستقبل
» تعالوا نتطلع للمستقبل 2
» تعالوا بنا نصفوا ونعفوا ونتسامح ولا نتباغض
» تعالوا اعرفوا طريقة عمل ال...........اكله نوبية