ماذا فعل لنا الحزب الوطنى

بـصـراحـة
ماذا فعل لنا هذا الحزب الحاكم
اعلم مقدما اننى اقترب من منطقة الخطر . المحظور الاقتراب منها وادراك جيدا اننى اتعرض للاصنام التى تعيش على وجودها شلل المنتفعين فى الشارع الادندانى والنوبى واعتقد بما لايدع مجالا للشك ان اصلاح الشارع الادندانى والنوبى يبدأ وينتهى من منطقة الألغام هذه لذلك قررت خوض المعركة لنهايتها ورزقى ورزقكم على الله .

لدينا فى ادندان رجال ينتمون للحزب الوطنى وهم اعضاء المجلس المحلى وموظفى الحكومة وانتمائهم للحزب اقوى من انتماء جمال مبارك وصفوت الشريف فولائهم للحزب اولا مع ان هذا الحزب لم يقدم لادندان اى شئ يذكر فادندان اخر القرى النوبيه التى دخل بها الكهرباء وادندان لم يدخل بها الصرف الصحى حتى الان وقد سلب منها لانهم يعلمون ان اصوات ادندان بين راحة كفيهم ورجالهم الاوفياء بها سيقومون بالواجب وها نحن على ابواب انتخابات مجلس الشعب ماذا نحن فاعلون فهل سنكرر اخطائنا وسنلبى طلبات الحزب الحاكم مع انهم سرقوا منا كل شئ الحرامى الذى يعبث بين جنبات ادندان ويسرق بيوته ويحاول قتل سيدة منها اين الامان وشبابه عاطل يفتش عن عمل فى الغردقة والقاهرة تاركا دياره وامه وابيه الشيوخ الكهل
فهل سنتحرر ونستفيق يوما من هذا الحزب الجاسم على اجسادنا ونختار مصلحة ادندان اولا وثانيا وثالثا وليس للاحزاب مكان لدينا فادندان فادندان ولاغيرها وللحديث بقية ان كان فى العمر بقية

بسم الله الرحمن الرحيم
السلام عليكم ورحمة الله وبركاته

السياسي المحنك //حمدى باشا مرحبآ بقدومك ومواضيعكم الشيقه والتى أن دلت

تدى على وعيكم المستنير في أدق النصوص في كشف المستور من عيوب

وتحكمات اداريه وللحديث بقيه أن شاء الله

السلام عليكم ورحمه الله وبركاته

بتقول ايه يا مدير ماذا فعل لنا الحزب الوثنى المفروض تقول معملش ايه

مثلا لا على سبيل الحصر جاثم على صدورنا من 30 سنه

بيعمل ايه فى ال30 سنه بيبنى البنيه التحتيه ذى الصرف الصحى الى مصر كلها بتنعم بيه والكهربا الى مبتتقطعش على الناس بعد 30 سنه بنه شوارع مصر مزبله مش لاقيين حد ينضفهالنا وده طبعا من اجلك انتا مفهاش طريق اسفلت عدل ل10تمتار البلطجيه بيبلطجه على الناس وبيبيعه المخدرات علنى وبعلم الشرطه والله اعلم لو ابوا قسم والشرفاء فى السجون الى بيطالبه بالحريه لمصر كلها وكل ده بسبب الفكر الجديد وبرضه من اجلك انتا باعتلك القطاع العام برخص التراب مش مهم المهم انه خلص المواطن من هم كبير الحمد لله وكله من اجلك انتا خلت قطر وايران والسعوديه وتركيا يلعبه سياسه ويتحكمه فى العمق الاسترتيجى لمصر وكله من اجلك انتا اما عن اسرائيل والولايات المتحده فحدث ولا حرج احبابنه من ايام الوايلى حتى لو ادلعه علينه شويه مش سفيرنا فى اسرائيل قال انه حاسس بوجوده فى اسرائيل انه فى دوله صديقه والاسرائليين قاله على ريسنا ربنه يطول عمره انه كنز استراتيجى فذمتك فى حد اخد اللقب ده قبل كده وكله من اجلك انتا اما طوابير العيش والبوتاجاز والعبارات الغرقانه والقطره المحروقه فكل ده فكر جديد عملتلنه قانون مرور جديد رغم اننا معندناش طرق صالحه للاستهلاك ليه عشان يزوده دخل عساكر وامناء وضباط المرور مش فكر جديد وابقا كلم الباشا زرعنالك كنتالوب وبطلنه قمح وادينه مش لاقيين حد ياكلنه من بعد روسيا والله من اجلك انتا انقذ مصيلحى واشرب فنتا لوب ده ياراجل خله الحشيش فى ايد كل مواطن على القهاوى ورجعه سحبوه عشان اكتشفه انه غير مطابق للمواصفات ياه يا مدير احنا مبيتمرش فينا اى حاجه زورلنه الانتخابات عشان عارفين مصلحتنه احسن مننا واننا مش هنعرف نختار هنقول ايه ونسيب ايه اما بخصوص النوبه عامتا وادندان خاصه فاحنا نستاهل واكتر من كده كمان لانه لايضيع حق ورائه مطالب ويكون فى علم الجميع الحزب بيلعب على عامل الوقت للقضاء على القضيه النوبيه او مطالبهم لانه كل مايزيد الوقت بيتحلل المجتمع النوبى اكثر فى زحمه المعز زائد انا ابائنا اطال الله فى اعمارهم بصفتهم فى مقدمه المطالبين بحقوق النوبه فاعتقد اننا بعد 10:15 سنه مش هيبقا عندنا دافع نطالب باى شئ وهنتوه اكتر ما احنا تايهين فى الزحمه واسف على الاطاله وتقبل تحياتى

السلام عليكم ورحمة الله وبركاته
بعد التيحية يا استاذsuger النظام قام باعمال كثيرة اولها قلب نظام الحكم من الجمهوريه الى الملكيه قام بقانون الطوارى الذى يحمينا من ارهاب انفسنا التشجيع على تجارة المخدرات المربحة واقامة المشروعات الوهمية فهيا نرشح سمو الامير جمال مبارك ملكا لمصر

شباب احنا هنخرج من الموضوع همنا ادندان وليس لنا همنا غيرها الحزب الوطنى الادندانى فلنوجه كل طاقتنا لاستفادة من كل شخص من كل منصب لتطوير والنهوض بادندان وابناء ادندان

السلام عليكم ورحمة الله وبركاته
الحزب الوطنى الادندانى تابع للحزب الوطنى \احسن نمشى جنب الحيط او جوا الحيطه ولو حد سالنا عن السياسة نقلو منعرفوش