بسم الله الرحمن الرحيم
السلام عليكم ورحمة الله وبركاته
بقلم: د. ضياء دياب
[ندعوك للتسجيل في المنتدى أو التعريف بنفسك لمعاينة هذه الصورة]جيشنا العظيم بعد السلام والتحيه وقبل أي كلام؛ قطع لسان كل اللي ينطق بكلمه علي سعادتك.
بس اسمحلي يا فندم أنا عاوز أكلم حضرتك زي زمان، بس للأسف ماعنديش ''مليونيه'' أشحن بيها وعمال أدي سعادتك رنات بس يظهر سيادتك مشغول وكان الله في عونك، الحمل تقيل والفساد طافح والفلول بتلدع زي البراغيت في ضهر الشعب يافندم.
عاوز أقولك ان انا والشعب كله بنحبك وبنحترمك ما انت الكبير سعادتك دلوقت وزمان وفي كل أوان ومالناش غير ربنا ثم سيادتك تحن علينا، أمال؟ موش انت اللي وقفت في طولنا وقت الثوره ورفضت تدكنا بالطيارات وتضربنا بالدبابات وتجري ورانا زنجه زنجه؟ جميلك في رقبتنا سعادتك، مع اني حازز في نفسي قوي ان سعادتك كبرت الجمجمه في موقعة الجمل انما يالا موش مهم، بيع الحبيب زي أكل الزبيب.
علشان ماطولش علي سعادتك وباختصار؛ الفار بيلعب في عبِِِِِِّي يا فندم، الشرطه العسكريه سعادتك بتعمل حاجات تزعل أوي، أول مره في حادثة مجلس الشعب لما سعادتك اعتذرت لينا قولنا وماله، الرصيد يسمح، فيها ايه أما نكَّهرب شويه؟ وحطينا في عبنا سم فيران واستريحنا، الفيران رجعت تلعب تاني دلوقت، سعادتك سمعنا عن فض اعتصام كلية الاعلام وبرضه الشرطه العسكريه كهربت الطلبه والأساتذه، والفيران زادت وموش بس بتلعب، دي ابتدت تعضعض في صدرنا يافندم لما سمعنا كلام غريب ويغيظ، بس موش هاقدر أخوض فيه سيادتك لأني مستنيك تقوللي حاجه تريح قلبي وقلوبنا كلنا، لو الحادثه صحيحه، يبقي لازم سعادتك تشوف مين المؤذي اللي عمل كده وتحط السيخ المحمي في صرصور ودنه، ولو الحادثه ملفقه يبقي لازم نخرب بيت منظمة العفو الدوليه بتوع الأجندات ربنا يهدهم.
أنا يا فندم ماليش في السياسه بس يظهر كده ان الشرطه العسكريه دول زي اللهم أحفظنا أمن الدوله، هايسوأوا سمعة سعادتك. أمن الدوله وعساكر الأمن المركزي الشعب لطش معاهم وفرتكهم، بس الكدب خيبه احنا مانقدرش علي الشرطه العسكريه سيادتك، أول هام لأن بتوع الأمن المركزي عيال غلابه، العادلي باشا كان مدلع نفسه في الجاكوزي وسايبهم لفقر الدم وسوء التغذيه والتينيا. انما الشرطه العسكريه عيني عليهم بارده، أقصر واحد فيهم أطول من الواد شاكيل أونيل، أجسامهم زي شاسيه اللادا، وأسمع سمع خير ان سيادة المشير مهتم بيهم ومغذيهم ومأكلهم الحلو كله. وتاني هام وده الأهم اننا مانقدرش نلطش معاهم، لأنهم تابعين للجيش اللي احنا بنحبه وبنحترمه. من فضلك حقق في الموضوع وطري علي قلبنا وقلنا ايه الحكايه؟ طب علشان خاطرنا بلاش كهربه، يا فندم الشعب فاضله اتنين فولت وينور.
آخر حاجه بقي التلاته اللي عاملين زي العمل الرضي وأقصد بيهم الثلاثي المرح، هما قاعدين بره الزنازين ليه؟ ولا واحد فينا هايطمن علي حاله ومحتاله طول ماهما بره. وفين القتله والسفاحين اللي قتلوا ولادنا؟ مبارك هايتحاكم امتي سيادتك؟ رؤوس المؤسسات الإعلاميه قاعدين ليه لغاية دلوقت؟ علشان خاطرنا كلمتين حلوين منك للسيد المسؤول عن ملاحقة الفساد يشهل ويشد حيله شويه، الشعب جاله شلل سعادتك، يا ريت يسرع ومايعملش فينا زي عم أيوب وكل أما ننادي عليه يقول: ''أنا كااااي'' ولما الشعب يصرخ أكتر يقمبر كرشه ويطوح ايده الشمال في الهوا ويقوله: ''وخلاوتك لاااكي''.
يا فندم أنا بخاطر مخاطره كبيره أوي بالمقال ده، ده ممكن يقضي علي مستقبلي ككاتب وموش عاوز أقولك علي كم التعليقات والشتايم اللي هاخدها لأني تجرأت وقلت الكلام ده لسعادتك، حتي زوجتي لما أخدت رأيها قالتلي انت اتجننت ياض؟ بتغلط في سعادة المشير؟ قلتلها فشر، اياكش يتقطع سلك الكيبورد بتاعي لو غلط فيه بكلمه، ده بس من العشم. ده احنا شعب زي الفل يافندم وقلبه طيب ومطاوع ومهاود وريحه حلوه واللي ييجي عليه مايكسبش.
علشان خاطرنا بردوا قلبنا واوعوا تبيعونا ده احنا بننام ونقوم ندعي لكم وآمالنا متعلقه بيكم، ده احنا عاملين زي اليتامي وحقنا عندكم. بالله عليكم اتقوا الله فينا، والله الموفق والمستعان.
المقالة المنشورة تعبر عن رأي الكاتب وليس عن رأي موقع مصراوي
اقرأ أيضا:
البسطويسي لمصراوي: فرصتي أقوي من البرادعي وموسي
بقلم: د. ضياء دياب
جيشنا العظيم بعد السلام والتحيه وقبل أي كلام؛ قطع لسان كل اللي ينطق بكلمه علي سعادتك.
بس اسمحلي يا فندم أنا عاوز أكلم حضرتك زي زمان، بس للأسف ماعنديش ''مليونيه'' أشحن بيها وعمال أدي سعادتك رنات بس يظهر سيادتك مشغول وكان الله في عونك، الحمل تقيل والفساد طافح والفلول بتلدع زي البراغيت في ضهر الشعب يافندم.
عاوز أقولك ان انا والشعب كله بنحبك وبنحترمك ما انت الكبير سعادتك دلوقت وزمان وفي كل أوان ومالناش غير ربنا ثم سيادتك تحن علينا، أمال؟ موش انت اللي وقفت في طولنا وقت الثوره ورفضت تدكنا بالطيارات وتضربنا بالدبابات وتجري ورانا زنجه زنجه؟ جميلك في رقبتنا سعادتك، مع اني حازز في نفسي قوي ان سعادتك كبرت الجمجمه في موقعة الجمل انما يالا موش مهم، بيع الحبيب زي أكل الزبيب.
علشان ماطولش علي سعادتك وباختصار؛ الفار بيلعب في عبِِِِِِّي يا فندم، الشرطه العسكريه سعادتك بتعمل حاجات تزعل أوي، أول مره في حادثة مجلس الشعب لما سعادتك اعتذرت لينا قولنا وماله، الرصيد يسمح، فيها ايه أما نكَّهرب شويه؟ وحطينا في عبنا سم فيران واستريحنا، الفيران رجعت تلعب تاني دلوقت، سعادتك سمعنا عن فض اعتصام كلية الاعلام وبرضه الشرطه العسكريه كهربت الطلبه والأساتذه، والفيران زادت وموش بس بتلعب، دي ابتدت تعضعض في صدرنا يافندم لما سمعنا كلام غريب ويغيظ، بس موش هاقدر أخوض فيه سيادتك لأني مستنيك تقوللي حاجه تريح قلبي وقلوبنا كلنا، لو الحادثه صحيحه، يبقي لازم سعادتك تشوف مين المؤذي اللي عمل كده وتحط السيخ المحمي في صرصور ودنه، ولو الحادثه ملفقه يبقي لازم نخرب بيت منظمة العفو الدوليه بتوع الأجندات ربنا يهدهم.
أنا يا فندم ماليش في السياسه بس يظهر كده ان الشرطه العسكريه دول زي اللهم أحفظنا أمن الدوله، هايسوأوا سمعة سعادتك. أمن الدوله وعساكر الأمن المركزي الشعب لطش معاهم وفرتكهم، بس الكدب خيبه احنا مانقدرش علي الشرطه العسكريه سيادتك، أول هام لأن بتوع الأمن المركزي عيال غلابه، العادلي باشا كان مدلع نفسه في الجاكوزي وسايبهم لفقر الدم وسوء التغذيه والتينيا. انما الشرطه العسكريه عيني عليهم بارده، أقصر واحد فيهم أطول من الواد شاكيل أونيل، أجسامهم زي شاسيه اللادا، وأسمع سمع خير ان سيادة المشير مهتم بيهم ومغذيهم ومأكلهم الحلو كله. وتاني هام وده الأهم اننا مانقدرش نلطش معاهم، لأنهم تابعين للجيش اللي احنا بنحبه وبنحترمه. من فضلك حقق في الموضوع وطري علي قلبنا وقلنا ايه الحكايه؟ طب علشان خاطرنا بلاش كهربه، يا فندم الشعب فاضله اتنين فولت وينور.
آخر حاجه بقي التلاته اللي عاملين زي العمل الرضي وأقصد بيهم الثلاثي المرح، هما قاعدين بره الزنازين ليه؟ ولا واحد فينا هايطمن علي حاله ومحتاله طول ماهما بره. وفين القتله والسفاحين اللي قتلوا ولادنا؟ مبارك هايتحاكم امتي سيادتك؟ رؤوس المؤسسات الإعلاميه قاعدين ليه لغاية دلوقت؟ علشان خاطرنا كلمتين حلوين منك للسيد المسؤول عن ملاحقة الفساد يشهل ويشد حيله شويه، الشعب جاله شلل سعادتك، يا ريت يسرع ومايعملش فينا زي عم أيوب وكل أما ننادي عليه يقول: ''أنا كااااي'' ولما الشعب يصرخ أكتر يقمبر كرشه ويطوح ايده الشمال في الهوا ويقوله: ''وخلاوتك لاااكي''.
يا فندم أنا بخاطر مخاطره كبيره أوي بالمقال ده، ده ممكن يقضي علي مستقبلي ككاتب وموش عاوز أقولك علي كم التعليقات والشتايم اللي هاخدها لأني تجرأت وقلت الكلام ده لسعادتك، حتي زوجتي لما أخدت رأيها قالتلي انت اتجننت ياض؟ بتغلط في سعادة المشير؟ قلتلها فشر، اياكش يتقطع سلك الكيبورد بتاعي لو غلط فيه بكلمه، ده بس من العشم. ده احنا شعب زي الفل يافندم وقلبه طيب ومطاوع ومهاود وريحه حلوه واللي ييجي عليه مايكسبش.
علشان خاطرنا بردوا قلبنا واوعوا تبيعونا ده احنا بننام ونقوم ندعي لكم وآمالنا متعلقه بيكم، ده احنا عاملين زي اليتامي وحقنا عندكم. بالله عليكم اتقوا الله فينا، والله الموفق والمستعان.
[ندعوك للتسجيل في المنتدى أو التعريف بنفسك لمعاينة هذه الصورة]
دخول 
الخميس أكتوبر 05, 2017 2:56 pm من طرف بنت ادندان
