انا اعترض على كابتن حسين ناينى مدرب لفريق ادندان لعدم التزامه بالقوانين

انا اعترض عليه كمدرب لفريق ادندان وزلك لانه لا يراعى القوانين للفريق والتى تخص ان اعضاء الفريق الملتزمين فقط هم من سيلعبوا المباراة ونجد فى المباراة شىء عكس زلك تمام
1.حسام عربى غير منتظم ولعب المباراة كاملة
2.حسن يحى غير منتظم ولعب المباراة
وكان كلا من:
1.حسن عربى لم ينزل الى ارض الملعب
2.مصطفى عبدو لم ينزل الى ارض الملعب
3.معتز لم ينزل الى ارض الملعب
على الرغم من التزامهم الشديد.
وان هزا مرفوض اعتقد من قبل اللجنة المسئولة
كما انهوا سوء صورة فريق ادندان امام اللجنة المسئولة عن الدورة النوبية واستخدامه الالفاظ الخارجه فى المبارة احنا مش بنلعب فى الشارع
سواء كسبنا او خسرنا فالكلام ده غلط 100%
ومحدش يقولى مش انت الى تحاسبه لا لما الموضوع يخص شكل ادندان ككل يبقى اى واحد من ادندان لازم يتكلم فى الموضوع وده راى الشخصى ممكن توافق عليه او ترفضه ده اختيارك انت
وشكرا لكم جميعا
واتوجه بالتحية الى كل زملائى فى الفريق الى كنت فرحان لانهم كسبوا المباراة
[u]

الى الاخ والزميل /حسن كربونى
انا معك بان هناك خلل فى تطبيق القوانين التى وافقنا عليهاجميعاوالتى لابد من الالتزام بهامهما كانت الظروف ولكن لاتعترض على الكابتن كمدرب لان هذا ليس من حقناوان هناك لجنة مختصةبذلك ولكن من حقك ان تعترض على عدم تنفيذ القواعد واللوائح المتفقةوايضا عندما نعترض هناك اجتماع لنا بالامكان ان نتكلم فبه بمنتهى الصراحة والشفافية مع احترامنا وتقديرنا للجميع اما بالنسبة للكابتن /حسين ارى انه رجل يفهم الكرة والملعب جيدا لا اقول هذالانه اشركنى فى المباراةولكنها الحقيقةالتى يراها الجميع ولو لم يشركنى هل كنت اعترض عليه لا لان له وجهة نظره الخاصةوليس لاحد ان يتدخل فيهاالا الجهاز المعاون لانهم الادرى بذلك.
اما عن كونى غير منتظم فهذه ليس بارادتى ولكن عندى اعذار منهااننى اذهب للعمل جمعتان فى الشهرولهذا السبب لم احضر التريبات فى ذلكم الجمعتين واننى اقدم الاعتذار لاننى لم احضر وابلغ به الكابتن /محمد محمود دائماوليكن اننى منتظم هل اعترض على عدم نزولى كلاهذا راى المدير الفنى وجهازه المعاون وله كل الاحترام.
وبكونك فتحت هذا الموضوع فلابد من رد له وليكن اعتراضك على المبدأ نفسه على اشراك لاعب لم يحضر التمارين معنا منذ فترة طويلةلانه بنزول هذا اللاعب قد اخذ مكان لاعب اخرمنتظم وهنا يكون الاعتراض فى المبدا والقانون لا فى الشخص او المدرب ونحن لا نحاسب احد وليكن هذا فى العلم وانما ننوه ونلفت الانظار فقط وعندما نعترض يكون هذا بيينا لايكون على الملا لان هناك اجتماع خاص بنا نتكلم فيه عن شئونناالخاصةبالرياضة.
وهذا للتوضيح فقط مع احترامى للجميع ونهنئ الجميع بالفوزونتمنى للادارةاو اللجنة الرياضيةالتقدم والعمل المتفانى من اجل ادندان.

انا شايف انك اتكلمت على نقطة واحده طب فين ردك على النقطة التانية وهى استخدام الالفاظ الخارجه

وياحسن انا مش معترض على نزول حد المباراة انا معترض على ان الناس المنتظمة منزلتش خالص وبعدين انا متكلمتش قدم حد غريب ياحسن ده منتدى ادندان يعنى كل الناس منا فينا مافيش حد غريب وانا شايف انى كابتن حسين ناينى مدرب الفريق علشان يبقى قد المسئولية لازم يكون ملتزم اخلاقيا قبل اى حاجه علشان المفروض انو قدوه لكل اللعيبة ولا انا غلطان؟؟

الأخوة الأعزاء نورتم المنتدى والله بس عايزين أفكار نفيد بيها بلدنا ادندان وبلاش نتخانق ونتباعد وتعالوا نتصالح ونتقرب والمعروف في مصر ان الكورة اجوال بس في أدندان المعروف ان الكورة مشاكل. سيبكم من المشاكل وياريت نتعاون في خدمة ادندان

أخوكم عبد الله عقيد

بعد السلام والتحية احب ان اعلق على موضوع الكابتن حسن كربونى وهو اكتر واحد حاسس بية كويس واد اية انا نفسى اشارك ولو بلحظة تقدر تخلينى احس بمجهود انا عملتة لصالح البلد ولصالح زملائى وافراد الجهاز الفنى والادارى ولكن عندما ارى فرحة الفوز موجودة فى عيون زملائى دة احساس انى اديت دوري كلاعب بجد انى اوصلهم فرحتى بالفوز والله يا حسن لما تيجى ان شاء الله تشيل الكاس بايدك هتحس وقتها انك كنت معاهم ومحد ش هيقول انت لعبت ولا لا والكورة يا عم حسن موجودة طول العمر لكن الانجاز شى احنا بنعمل مرة فى العمر وكفاية انى يتكتب حروف اسمك مع جيل عمل لقريتة انجاز وبا من ضمن الكبار وعلى تعليقى بالاعتراض على الكابتن حسين فانا من باب اولى انى اعترض قبل منك لكن الاحترام اللى انا شيفة فى الكابتن ناينى خلانى اكون قريب منة اكتر من الاول وهودة الللى لازم نعرفة كلنا انى الكابتن حسين مش مدرب وبس دة اب كبير لينا كلنا وعايزك تلاحظ هو من بداية الماتش واقف علشان يوصل دور كل لاعب فى الماتش واحنا ما بنفكرش الافى النزول واللعب وبس وكمان الالفاظ دى بنسمعها كل يوم فى الماتشات بتعتنا وانت زملكاوى ومش هقولك الالفاظ دة كانت من بداية مين ولكن مش هيجى يوم وهنحاسب كباتنا الكبار والناس اللى تعبو علشان كتير ولكن اطلب منك الصبر والاعتراض ليس هو السبب الحقيقى لكون لست من بين الاعبين داخل الملعب واشكر

كلامك جميل يامصطفى بس والكاابتن حسين نيانى اكيد اب لينا كلنا بس انا بتكلم عليه كمدرب وليس كشخص فهو ممثل لادندان كلها ولما المدرب يكسر القواعد الى المفروض يبقى قدوه للناس ويعمل كده يبقى اللاعيبة الى تحت منوا هاتعمل ايه ولو الشتيمة عادى يامصطفى يبقى انا وانت نشتم بقا وكل الناس ويبقى الموضوع شتيم فى شتيمة ولا ايه الاخلاق اهم من الشخصية والتدريب والكورة وانا عن نفسى مش بحب اتكلم من تحت لتحت انا بحب اقول الى انا شايفه على طول كابتن حسين كااخلاق فى الملعب بيسوء صورة ادندان وانا على فكرة والله والله مش زعلان لانى ملعبتش انا بزعل من الظلم بس مش اكتر واكيد انت بتشوفنى فى التمرين ياامصطفى مش بعترض على اى حاجه وكنت كتير بتغير وبطلع ومش بلعب ومش بقول اى حاجه ياريت ننظر للموضوع نظرة دقيقة ياجماعة مش علشان كسبنا خلاص طب مااحنا الماتش الى قبليه المفروض نكسب مكسبناش ليه لو انت فعلا عايز بطولة بجد يبقى كل واحد بيغلط لازم يسأل مافيش حد فوق السؤال انا كنت فى الثورة والثورة علمتنى كده انى مادام الموضوع يتعلق بمنصب يبقى لازم يكون قد المنصب ده يااما يسيبه وشكرا لكم
وفى النهاية اتمنى الفوز اكيد طبعا لينا سواء لعبت او لا

على فكرة ياحسن النقد لازم يكون باسلوب ميجرحش حد ومن غير مانفرض على اللى اكبر مننا سوء كان ادارى او فنى او مهما كان اى انسان بس انت اكيد صريح اكتر من الازم ولزم تحاول تشوف الكلام اللى انت بتكتبه هل هيجرح ولا لا ومهما كان الانسان اللى انت بتنتقدة سوء كبير او صغير وانت شوف نفسك فى الكلام دة انت هترضاة على نفسك لما اقولك انت مش لاعيب تاريت تسيب الملعب وتمشى علشان انت مش من مستوانا هتقبلها على نفسك والله هو دة اسلوب الكلام اللى انت بتحاول توصلة وعلى فكرة الكابتن حسين اب مش مدرب علشان احنا نتقوله لو مش قد المنصب يسيبة وحاول تحط ولدك مكانة هل هترضى انى اوصلة انتقادى بالمعنى دة وعلى فكرة مفيش حد زى الكابتن حسين ناينى كفاية انة بيحاول يوزع حبة كله لاكتر من 30 شخص اللى عمر اى اب مهما حاول انى يوصل حب لاولادة وانا بجد بعد كلامك دة بحترم الراجل دة اوى على انت ورتنى السلبيات الللى موجودة ومشفتش الاجابيات اللى بتغطى على اى شى سلبى فية وكفاية بجد انى يكون اب لى ولكل لاعب يشرفة انى الكابتن حسين يكون اب لية والكورة مش هى دى اخلاقها

يامصطفى قولتلك انا مش بتكلم على كابتن حسين كشخصية انا بتكلم عليه كمدرب والتزامه بالقوانين الى مينفعش يكون حد وق القانون وانا ومجرحتش حد يامصطفى على فكرة اقرى انت كلامى كويس انا لغاية دلوقتى بقول كابتن حسين يعنى بحترمه انا كل الحكاية انى بعترض واظن انى انا من حقى انى اعترض ولا انت شايف ايه

إلى الأخوة جميعابعد السلام والتحية.
كماقلت فى بداية كلامى الاول يا حسن نحن متفقين على الاعتراض على المبدا نفسه ولا نعترض على اى شخص مهما كان سواء لاعب او مدرب وان هناك مكان للاعتراض اى اجتماع خاص بلجنة الكرة ممكن لاى شخص ان يعرض ما يحلو له ولكن بأدب جم واحترام للكبير والصغير ولكنك باعتراضك قد حملت المسئولية كلهاللكابتن /حسين وهذا ليس منطقيالان هذا الخلل فى تطبيق القواعد والمبادئ يتحملها اللجنة الرياضية باكملهاوليس شخص واحد فقط.
واما عن الالفاظ التى تحدثت عنهافهل انت الوحيدالذى سمعته؟لاننى لم ارى احد من الجهاز الادارى تكلم عن هذا الموضوع حيث انهم كانوا قريبين منه وكذلك اللاعبون وان كان قد اخرج لفظا كما تقول لما لاتقول انهانرفزةملعب اى مدرب كما نرى من اى مدرب سواء فى الكرة المحلية او العالميةونفرض جدلا انه قد اخرج هذا اللفظ هل نحن الذين نحاسبه هذا قطعا لا وانما هناك لجنة مختصة لهذا ولها شئونها الخاصة ولا احد ان يتدخل فيهاوهى التى تحاسب وليس اللاعبون فالكل يلتزم بدوره هذا افضل.
وثانيا ارد على الاخ /عبد الله عقيد باننا لم"نتخانق"ولكننا نقرب وجهات النظر ونحواربعضنا البعض وهذه ليست فيها مشاكل او اى "خناقة"وادندان ان شاء الله فى مجال الرياضة تتقدم بشكل ملحوظ وليست مشاكل وان كان بها مشاكل فالاولى ان نجلس لكى نحلهاونعاون بعضنا البعض ونحن يد واحدة باذن الله ولاتقلق يا اخى ونتمى للجهاز التقدم والرقى فى مصلحة ادندان.
واشكر اللاعب الخلوق/مصطفى عبده على كلماته الطيبةالتى كتبهاوعلى نشر روح الاخوةبين اللاعبين وانت مثال للاعب الخلوق والقدوةالحسنةونرجوا من الجميع ان يلتزم بهذه الروح الرياضيةوبهذه الاخلاق الطيبة .
وهذا للتوضيح ايضا ولكل واحد منا له وجهة نظره الخاصة ونحن نحترم ونقدر راى الاخر.........مع تحياتى لكم بالامنيات الطيبة

كلامك صحيح يااخ حسن وانا لم ولن احاسب احد ولكنى اعترض وكل واحد فى الفريق من حقه ان يعترض سواء على سلوك فرض او مجموعة واما بالنسبة اعتراضى على الكابتن حسين يزاته لانه المسئول الاول والاخير على هزه الاشياء وليس اخرون ولكن الاخرون يمكن لمهم ان يشاركوا برأى ولكن الرأى الاول والاخير لكابتن حسين

لاللاتعليق على ما ذكر وأشكر كل من حسن يحيى والأخ مصطفى عبده وتهانينا القلبيه للنتائج التى تتم بقياده المدير الفنى عبد الفتاح والمدرب الخلوق حسين ومساعده ولمدرب حراس المرمى وان كنت أن أتمنى بأن تكون الشكوى من خلال قنواتها الطبيعيه ولكنك أسقط حقك فى ذلك وهقولك شىء مازال التحقيق والتحقق فى الفاظك أثناء المباره قائما .......... وبذلك تكون قد أخطأت وأساءت فى حق نفسك.

بعد السلام والتحية
اشكرك جميعا على من توجه لى بالشكر واوجه كلمة اخيرة على انا هذا الموضوع اخذا اكثر من حجمه ولكن حجمه الطبيعى هو نفس التعليق الذى علقة الاخ العزيز والمحترم جدا حسن يحيى ولكل من حق الاعتراض ولكن من جانب الابواب المغلقة للفريق والتى لا تخص شخصى او مجموعة اخرى ولهذا ننهى هذة المشكلة بين الكابتن حسن بالتمسك بالروح الرياضية وفرض روحة العالية فى الملعب ونسيان الماضى بكل مشاكلة وننظر الى المستقبل الذى يبنيه فريق من جيل مقاتل وعظيم ومهما كان خارج الملعب او داخلة فكلنا بحد سوء وراهم ووراء جهازهم وادريهم الى النصر واواد انا احدث الكابتن حسن واقول له الايام القادمه انت الذى تحدد ان تكون داخل الملعب او خارجة وذلك بمجهود وحماسك الذى عرضك لهذا الاعترض ولك حق الاعتراض ولكن يجب ان تظهرة داخل الملعب بمستواك ومجهودك العالى وحبك لهولاء الابطال الذين رسمو لنا الفرحة والنصر واقول لك لاتخفى هذا النصر العظيم الذى اتى به الكابتن العظيم حسين وذالك بمجهودة وعطائه للفريق كاكل وليس لفرد معين لاننا بنينا كفريق وليس كفرد واترك لنفسك الوقت الكافى لكى تظهر مواهبك من خلال حبك للفريق والدفاع عنة وعن مدربة الخلوق الكابتن ناينى واترك لنا مساحة للابداع باسم قريتنا الحبيبة ادندان التى لاترى شخصا معين بل تنظر للمجموعة كا كل والى مستقبل مبهر وحب جارف بين هذا الجيل العظيم والسلام عليكم ورحمة الله وبركاتة

يا جماعه دى اول مره اشوف فريق ادندان كله عندوه روح وحده وهى روح المكسب مفيش فرق بين البيلعب اساسى والاختياطى حتى الى ملعبوش المهم المكسب وان احنا نكسب انا بقول الكلام دا للناس المحترمه الى فى الفريق زى مصطفى عسكر وحسن يحيى مش عايزين نبص لحجات هبطه وكلام ملوش معنا احنا نفسنا نعمل حاجه لاسم ادندان فى ناس كتيره ملعبتش ومحدش اتكلام المهم نركز فى الجاى ونسيبنا من اى حاجه عبيطه ومش عايزين نضيع الروح الموجوده فى الفريق دلوقتى

بعد التحيه والاحترام كان لزاما علي بعد ان لفت نظرى احد من الاخوه الافاضل ان هناك حوارا دائر خلال النت وذلك عن دوره عنيبه فى كره القدم بمركز شباب 6 اكتوبر ورؤيه وحوار اللاعبين مع بعضهم البعض وراى حسن كربونى بالاخص ووجهه نظره من زاويته الخاصه ورد الاستاذ/ جمال مرغنى عضوالاشراف للنادى الثقافى فلذا كان للزاما على مره اخرى للتاكيد ان اشكر كل مجموعه العمل بدايه من المدير الفنى/ الكابتن عبد الفتاح بشارى ومرورا بالجهاز المعاون واشاده بالاعبين لاخلاصهم وتفانيهم وولائهم لاسم بلدهم ادندان ولو كان من حقى المشاركه فى هذا الحوار كاى فرد من ابناء ادندان فليس عندى اختيار ان اصفق للجميع واقول للمنظومه كلها برافوا عليكم وفى احسن من كده فى اللى جاى ولكن لو اضطرت ان اسرد راى بصراحه كمشرف عام وبحكم تواجدى الدائم وعن قرب وعن التزامى باللوائح التى تحكمنا داخل النادى الثقافى فلذلك سيكون ردودى خلال تقرير عن كل مباراة واحداثها وعن الدوره كلها فى النهايه كما طلب منى من قبل وذلك عن النشاط الرياضى والاجهزه ككل وان شاء الله ساقوم بطلب اجتماع عام لكل اعضاء النشاط الرياضى مع اداره النادى الثقافى الرياضى فى جلسه عائليه وذلك لنضع الامور فى نصابها الصحيح لخدمه ادندان فقط بغض النظر عن الامور الجانبيه والله الموفق والمستعان .

جمال مرغنى حسن محمد كتب:

لاللاتعليق على ما ذكر وأشكر كل من حسن يحيى والأخ مصطفى عبده وتهانينا القلبيه للنتائج التى تتم بقياده المدير الفنى عبد الفتاح والمدرب الخلوق حسين ومساعده ولمدرب حراس المرمى وان كنت أن أتمنى بأن تكون الشكوى من خلال قنواتها الطبيعيه ولكنك أسقط حقك فى ذلك وهقولك شىء مازال التحقيق والتحقق فى الفاظك أثناء المباره قائما .......... وبذلك تكون قد أخطأت وأساءت فى حق نفسك.

يااستاذ جمال اعتقد ان المنتديات صنعت لكى نتبادال الاراء ونطرح المشكلات ونبحث لها عن حل وانا لم ولن اعترض على اى قرار اتخذ او سوف يتخذ ضدى اذا اخطأت ولكن مااطمح فيه انا اخذ حقى كاملا كما تفرض عليا العقوبات كامله

هيثم عبد الغفور كتب:

يا جماعه دى اول مره اشوف فريق ادندان كله عندوه روح وحده وهى روح المكسب مفيش فرق بين البيلعب اساسى والاختياطى حتى الى ملعبوش المهم المكسب وان احنا نكسب انا بقول الكلام دا للناس المحترمه الى فى الفريق زى مصطفى عسكر وحسن يحيى مش عايزين نبص لحجات هبطه وكلام ملوش معنا احنا نفسنا نعمل حاجه لاسم ادندان فى ناس كتيره ملعبتش ومحدش اتكلام المهم نركز فى الجاى ونسيبنا من اى حاجه عبيطه ومش عايزين نضيع الروح الموجوده فى الفريق دلوقتى

كلامك جميل وروحك جميلة ياهيثم ولكنى اطلب منك ان لا تقلل من شأن اى زميل لك فى الفريق او من كلامه وانا اعتقد انى كل فريقنا محترم ومفهوش حد مش محترم او عبيط

السلام عليكم ورحمة الله وبركاته...... اما بعد
ارى ان هذا الامر قد طال والكلام قد كثر وان كثر الكلام بما لايفيد ولايودى الى نتيجة حاسمة فلامعنى لهذا الكلام وارى من وجهةنظرى ان ننهى هذا الحوار ونرى ما ستبينه الايام المقبلة وندع الامور تاخذ مجراها الطبيعى ولاداعى للكلام الكثير وكلنا اخوة وزملاء مع بعضنا البعض وعفا الله عما سلف وارجوا من الجميع الايفتحوا هذا الحوار مرة ثانية الى اجتماع مقبل للجنة الرياضية مع الجهاز الادارى واللاعبون وسوف نرى الى اين تنتهى هذه الامور التى اخذت اكثر من حقها ولاداعى للتعليقات مرة ثانية............
وتحياتى للجميع ومع كل الحب والاحترام ومع تمنياتى للجميع بالتقدم والرقى لمافى مصلحة ادندان فى شتى المجالات........ احبكم جميعا

حسن ياكربونى الموضوع مش عصبية كل حاجة بهدوء وبعدين دى وجهة نظر ناينى عارف بعمل ايه وانت شعورك حلو وجميل علشان قفلبك على الفريق ولكن وبعدين الحمد لله بالفوز وانت على دكة البدلااء كان عندك الروح والحماس يعنى انت خايف على الفريق وانا واثق مليون فى المية ياحسن يكاربونى كنت مبسوط علشان الفوز وصحيح من حقكك تزعل علشان انت ملتزم وملعبتش اللقاء وحسام اخوك لعب الللقاء العملية واحد الروح واحدة التكاتف كان واحد وبعدين انت كربونى اخوك حسام برضه كربونى ربنا يحميك على حماسك وخوفك على الفريق ودايما اسم ادندان عالى شكرررررررررررررررررا لسيادتكم عقبل الفوز فى اللقاءات القادمة اخوك يسرى شفا

يسرى شفا كتب:

حسن ياكربونى الموضوع مش عصبية كل حاجة بهدوء وبعدين دى وجهة نظر ناينى عارف بعمل ايه وانت شعورك حلو وجميل علشان قفلبك على الفريق ولكن وبعدين الحمد لله بالفوز وانت على دكة البدلااء كان عندك الروح والحماس يعنى انت خايف على الفريق وانا واثق مليون فى المية ياحسن يكاربونى كنت مبسوط علشان الفوز وصحيح من حقكك تزعل علشان انت ملتزم وملعبتش اللقاء وحسام اخوك لعب الللقاء العملية واحد الروح واحدة التكاتف كان واحد وبعدين انت كربونى اخوك حسام برضه كربونى ربنا يحميك على حماسك وخوفك على الفريق ودايما اسم ادندان عالى شكرررررررررررررررررا لسيادتكم عقبل الفوز فى اللقاءات القادمة اخوك يسرى شفا

اكيد طبعا ياكابتن يسرى وانت كنتى جنبى على الدكه وقمنا كلنا وفرحنا لما كنا بنجيب جول بغض النظر عن مين جابه بس انا مجرد بسأل فى حقى بناء على كلام الكابتن حسين نفسه انى الى هايلعب الملتزم بس وحصل عكس كده وانا بناء على كلام كابتن حسين انا لعيب كويس وكان من حقى انى اشارك فين كان بعض من زملائى الحظ مش معاهم ولكنى فوجئت انوا بيعاملنى كأنى مش موجود اصلا على العكس من كلامه ليا علشان كده انا بعترض وبسأل عن السبب. وبقول رأى بس مش اكتر واعتقد انك فاهم قصدى ياكابتن يسرى وكنت بتشوفنى فى كل التمارين وانى مش اقل من اى حد بيلعب فى الملعب.

اشكركم جميعا علي تعليقاتكم وعن ارائكم الخاصة عن الفريق ايا كان بالسلب او الايجاب ولكم جميعا الاحترام واود ان اقول ان ما يحدث في المنتدي من تبادل وجهات النظر شئ جيد ولكن يجب ان يكون التعبير بسلوك متحضر بعيد عن التجريح لاي شخص مهما كانت وجه نظره لانه يجب ان تحترم جميع الاراء ويجب علي من ينتقد ان يكون امينا في الانتقاد لكي يحفظ حقه ويحفظ حق الاخرين وعلي من يرد علي الانتقاد ان يرد بدون الاساءة لاي شخص مهما كانت اراءه واود ان اقول ان شكوي اللاعب تم تقديمها الي رئيس النادي الثقافي للنظر في الشكوي لحفظ حق جميع الاطراف ونتمني من الله ان يوفقنا الي الخير ولما يحبه ويرضاه و ان نتعاون جميعا لرفع اسم البلد عاليا والله ولي التوفيق

ياريت ترد عليا في النقطة ديه ينفع لاعيب يشتم مدرب بس مش هقولك اكتر من كدا ماهو اللعيب برضوا بيضايق ولا الاعيب مش بشر والمدربين بس هما اللي بيحسوا ثانيا من حيث المبداء مرفوض ان حد يشتم حد انا مش جاي علشان اتشتم وثالثا هيبقي ايه الموقف لو انا رديت عليك هتوقفني من اللعب علشان مينفعش مينفعش اشتم واحد اكبر مني وهو مدربي يبقي من باب اولي يبقي في احترام للاعب تحت اي ظرف وهما نفسهم الاخلاق قبل الكوره واسال الكابتن عربي هو كان بيقول ايه