حوار من القلب والام المثالية راضية حمدان

بسم الله الرحمن الرحيم
حوار من القلب والام المثالية راضية حمدان
اتشرف بست الحبايب الام المثالية؟
اسمى راضية محمد كمال حمدان
السن 46 سنه
ممكن تتكلمى عن نفسك ؟
الحمد لله على كل حال انا انسانه بسيطة جدا من اسرة بسيطة فى قرية ادندان الغالية
وانا اشتغلت فى البريد وعلى فكرة عايزة اقول حاجة بسييطة جميل وعرفان للحاج محمد خليبل شفا على المجهود اللى عمله علشان انزل البريد
والحمد لله نجحت فى مجال عملى ونجحت حتى فى الامومة
س - حضرتك كنتى متوقعه بحصوللك على الجايزة ولاا مفاجاءة لحضرتك ؟
اولا مكنش متوقعه والحاجة التانية الام يعنى الحنان القلب الكبير التفاهم والتربية الصحيحة البيت بيكون ناجح من جميع النواحى وعلى فكرة ممكن يكون فى ناس افضل منى وتستحق الجايزة
س- حضرتك تعبتى فى حياتك بعد وفاة الزوج ولاالموضوع كان عادى فى حياتك ؟
اقسم بالله كنت اتمنى وجود زوجى انا تعبت جدااااااااااا فى تربية بنتى الوحيدة رغم ظروفى الصحية والحمد لله على كل حال
وعلى فكرة وجود الزوج مهم جدا فى حياة اى اسرة او اى بيت بيتكون من زوج وزوجة واولااد0
س- هل حضرتك فكرتى فى الزواج مرة اخرى بعد وفاة الزوج مع الاحترام الشديد لحضرتك؟
لاالاالاالاالاالاا مش ممكن ومش هفكر الا فى سعادة بنتى الوحيدة واسعد اهلى وناسى واخواتى واولااد اخواتى0
س- ماهى محتويات الجايزة اللى حصلتى عليها ؟
الحمد لله الجايزة كانت تقدير الناس ليا وحب الناس ليا مع انى سمعت كان فى منافسة ورغم ذاللك وقع عليا الاختيار0
ناس بلدى وقفوا بجوارى وانا على مريضه وتعبانه الناس كلها اختاروا راضية انا بشكر كل ادندان سواء هنا وهناك
س- ماذا تقصدى هنا وهناك؟
اقصد هنا وهناك يعنى ادندان مصر وادندان بلدى الجميلة يعنى اهلى هنا وهناك
مع العلم صحتى لااتسمح باى عمل مجهود فوق طاقتى والحمد لله وانا بتعالج منذ 3 سنوات الحمد لله الحمد لله
س- ماهو الشىء الصعب التى راته عيناكى ؟
بصراحة انا تعبت جدااااااااا لما شفت اطفال برئية تعبانه مش ممكن طفل يستحمل كل العلاج والالم ده الاطفال صعبت عليا جداااااااااااا ربنا يشفيهم ويشفينى ويشفى كل مريض يارب
س- ماهو الشىء التى كانت تتمناه الام المثالية راضية حمدان؟
علشان اكون صريحة كنت اتمنى وجود والدتى تكون عايشة وانا بستلم الجايزة0
س- اسباب عدم حضورك الحفلة لاا ستلاام جايزتك وسط حشد اهالى ادندان ؟
اى واحدة تتمنى تكون ام مثالية وتتكرم ويحتفلوا بيها بس انا اقسم بالله كنت تعبانه اى مجهود اعملة بيكون صعب عليا بناء على تعليمالت الاطباء0

س- كيف علمتى بحصولكك على الجائزة والام المثالية؟
بصراحة شديدة مجموعه من شباب ادندان وصلوا عندى البيت وكانوا الاستاذ ابر اهيم جمال والاستاذ جمعه على عبدالله والاستاذ خالد والاستاذ فيصل
بلغونى بلقب الام المثالية ومرة تانية بشكرهم جدااااااااااااااا
س- ماهى امنياتك فى الوقت الحالى وبكل صراحة ؟
امنية من القلب بقول يارب اشفينى يارب واشفى كل مرضى المسلميين صغير وكبير0
س- كلمة من قلبك لشباب ادندان؟
قلبى مش كفاية بالعكس قلبى وروحى وعقلى بقول لشباب ادندان ربنا يبارك فيكم مع المجموعه الجميلة وانا حاسة انهم هيعملو حاجة لشباب ادندان ان شاء الله يارب

انا بشكر ارق ام مثالية تم اجراء الحوار فى منزل السيدة راضية حمدان شفاها الله وعافاه يارب

اجرى الحوار يسرى شفا فى وجود فيصل عكاشة

الأخ يسرى
سبق وأن ناديت بإلقاء الضوء على الام والأخت العزيزة المكرمة من قبل مركز شباب أدندان ولم أتوقع منك سرعة الإستجابة وهذا دليل على حماسك المحمود والذى جعل منك نجما ساطعا فى المنتدى ..
نكرر التحية والتقدير للأخت الفاضلة وللأم المجتهدة راضية حمدان ونسأل الله أن يعينها ويكتب لها دوام الشفاء ..
ويكفيها فخرا أن ترجع الفضل لله تعالى ثم للحاج المغفور له يإذن الله محمد خليل شفا وهذا خير الدليل أنها تستحق هذا التكريم

بسم الله الرحمن الرحيم
الكابتن الكبير تنوم
اشكر حضرتك على ردك الراقى فى حوار الام المثالية مع العلم انا عملت لقاء مع شخصية رياضية
ياريت اعرف رد حضرتك ورد الساده الافاضل واتمنى ان اكون عند حسن ظن السادة واشكرك مرة تانية
ياكابتن على ردك الجميل وانتظرونى فى شخصيات رياضية اخرى

حوار جميل جدا يأستاذ يسري و بارك الله فيك و نتمنى للأخت راضية الشفاء العاجل و ندعو الله أن يبارك لها في ابنتها إنه ولي ذلك والقادر عليه

حوار يرق له القلب وبجد هي تستحق الأم المثاليه للقرية

]كل التقدير إلى من حملت الامانة وادتها على اكمل وجه كل التقدير إلى من غرست في ابنائها القيم الاسلامية
ان الأم هي أساس تكوين الأسرة التي تعد النواة الأولى في تكوين المجتمع،

كل التقدير للاخت الفاضلة راضية محمد كمال حمدان. جعلها الله ذخراً وأنعم عليها بالصحة والعافية.
والشكر موصول للاستاذ يسري شفا على هذا الحوار والاهتمام

تستاهلي كل خير يا وكيل
وتهانينا بالام المثالية
ونسئل الله ان يتم لك الشفاء ويمتعك بالصحة والعافية
وشكرا للاستاذ يسري شفا علي مجهوداته

تستحقي كل خير وكل التحية والإحترام وتهانينا بالام المثالية
ونسئل الله ان يتم لك الشفاء ويمتعك بالصحة والعافية إمين يا رب العالمين
وشكرا للاستاذ يسري شفا أبو محمد وصلاح

بصراحة الله يبارك فيك يا استاذ يسري فعلا انت ذو حماسة وحب للخير وادندان كبيروالف مبروك للام المثالية ونسال الله عز وجل ان يشفيكي وتكوني مثال ناجح لجميع الامهات يا رب العالمين