قصة حياة لمرحوم حسن عبده يونس

بسم الله الرحمن الرحيم
قصة حياة المرحوم كابتن \ حسن عبده يونس
س1- الاسم بالكامل ؟
ج2- اسمى على حسن عبدخ يونس
شهرتى عوض حسن عبده يونس
س3- متى كانت بداية الكبتن المرحوم حسن عبده يونس فى مجال الكورة والتدريب؟
ج - والدى كان بيلعب فى نادى الجزيرة مع كباتن كبار من الجيل الماضى امثال
كابتن المرحوم محمد حسن صالح المرحوم شعبان طوكيو كابتن جلال دهب فكرى دهب
بعد كده والدى الله يرحمه دخل فى مجال جمعية ادندان ودخل مجال التدريب
س- ماهى الملاعب التى مارس فيها الكابتن حسن عبده يونس مجال التدريب؟
ج- الملاعب كانت كتيرة انا افتكر منها طلعت حرب السعدية الجزيرة واسمنت بورتلاند حلوان
س- ماهى اخلاقيات الكابتن المرحوم حسن عبده يونس ؟
ج- مالدى الله يرحمه انا كنت بروح معاه فى الملاعب واخلاقياته كانت هادية جدا فى معاملته مع الاعبيين
وكا ن معاه الكابتن احمد داوود والدى كانا عصبى جداا علشان كان بيشجع الاهلى وكان اول واحد
بيحضر التمارين سواء مع ابناء بلده كان الاساس فى مساعدة الاعبيين اثناء التماريين
والدى كان بيروح وكان ليه معرفة فى النادى الاهلى وكان ياخذ الاحذية والتشيرتات لالااعييين عن طريق الاصدقاء.
مع احضار شباك جديدة من النادى الاهلى وكان بصحبته الكابتن احمد داود رحمه الله
س- هل الوالد رحمه الله كان يجامل لاعب على حسب الاخر؟
لالالا الجيل الماضى كان جيل متفاهم من جميه النواحى وكان فى احترام متبادل وزيارات من القاهرة للقرية والعكس
وكان التواجد فى الجمعية من اهم السمات والصفات للاعبيين الحضور والالتزام سواء التدريب او اجتماعات الجمعية .
س- من هو اقرب الاعبيين للكابتن المرحوم حسن عبده يونس؟
ج- بصراحة شديدة كل الاعبيين ولكن الاعب الوحيد كان كابتن شعبان طوكيو رحمه الله اقرب الاعبيين لوالدى رحمهم الله جميعا.
س- موقف جميل لاتنساه ؟
ج- بصراحة كان فى رحلة منظمة للبلد وعملوا اجتماع فى بيت والدى الله يرحمه باللقرية علشان يعمل ماتش مختلط
بين ادندان القاهرة والقرية مع بعض ضد فريق قسطل وفزنا 5\1 وكان اجمل هدف بتاع الكابتن المرحوم محمد عبده ادريس
هدف انا فاكره لغاية انهارده دبل كيك هدف اكتر من رائع.
س- ماهى كانت شخصية والدك الكابتن المرحوم حسن عبده يونس؟
والدى كان هادى بس كان فى حماس وغيرة مع العلم والدى مش ممكن اى حد ينسى المرحوم حسن عبده يونس
س- ماهى صفات الوالد هلى كان ينتمى للقاهرة ولا للقرية؟
ج- والدى كان انتماؤه للقاهرة اكتر من القرية لعدة اسباب منها ظروف العمل والاستقرار وحبه الشديد لجمعية ادندان والنادى الاهلى.
مع الفاضل رحمهم الله امثال الحاج سيف الدين المرحوم محمد رمضان كثير المرحوم محمد امام حمزة وكان اغلب اوقاته فى الجمعية
المرحوم جمال صادق المرحوم عز الدين رموز ادندان رحمهم الله .
س- هلى الوالد كان يتقاضى مبالغ مالية من احد؟
لالالالا والدى كان بيحب التدريبب جدااا مع قلة الامكانيات كانوا متفاهميين جدااا داخل الملعب او خارجه والدى الله يرحمه
مهمته كانت تسهيل العقبات مين ميعرفش المرحوم حسن عبده يونس رحمه الله.
بالعكس كانوا بيدفعوا من جيوبهم الشخصية مرة تانية رغم الامكانيات البسيطة .
س- هل الوالد من اصحاب المشاكل فى الملعب ؟
بالعكس والدى الله يرحمه كان محبوب جدا
س- الفرق بين ابنك عبدالله على حسن وجده حسن عبده يونس؟
ج - ابنى الحمد لله فى الثانوية الاول مستقبله الدراسى وبعدين الكورة وعلى فكرة ابنى امكانياته كويسة وكان مشترك مع الجمعية
مع فرق البراعم والناشئيين اللى عملبها كابتن عربى كربونى ومصطفى ابوزيد من بدرى بس دلوقتى انا سمعت ان النشاط واقف
س- هل لديك اى صور شخصية مع فريق الجيل الماضى الجميل او كارنياهات للوالد؟
فى كارنية نادى الجزيرة بتاع والدى ايام الجيل الجميل والدى كان عمل كارنيهات للاعبيين رحمه الله رحمة واسعه.
وبعدين والدى كان معروف فى المجتمع النوبى وفى مجال التدريب ابنى عبد الله العكس لاايعرف طريق الجمعية للاسف الشديد
ابنى ميعرفش الجمعية وانا اتمنى ان ابنى يكون اجتماعى
س- كلمة لجمعية ادندان من قلبك ؟
ج- اتمنى النجاح والتوفيق لجمعية ادندان والتواصل والترابط بين الاجيال والحب المتبادل وعودة الانشطة علشان ادندان معروفة
برموز جميلة من الزمن الماضى والحاضر بالتوفيق ان شاء الله ياريت ابنى عبدالله يكون احسن منى ومن جده حسن عيده يونس
شكرا وبالتوفيق لكل اهل ادندان
لااتنسوا رموز جيل الزمن الماضى
وكل عام وسيادتكم بخير
انا على حسن عبده يونس
الشهرة\ عوض
شكرا لاابن الكابتن حسن عبده يونس
شكرا للساده القراء انتتظرونى فى لقاء اخر ان شاء الله
اجرى الحوار اخوكم يسرى شفا

والله قصة رائعة ونتمني المزيد من مقابلاتك الشيقة مع رموز ادندان الذي ننتظره بالشهور والأسابيع بالتوفيق يا أستاذ يسري إبنك ....أبو طاهر....

رحمة الله الكابتن حسن عبده يونس وبارك الله فيك ياكابتن يسري عي هذا الحوار الرايع