خير اللهم اجعله خير

من يومين كنت راجع من الشغل تعبان من المواصلات طبعا مش من كتر الشغل وبعدين كلت اكله سخنه مش هاقلولكو عليها طبعا واظاهر اني كلت كتير علي غير العاده (عارف هاتقولو اني كداب ( المهم اني نمت علي طول ونسيت اتغطي كويس فحلمت احلام غريبه خير اللهم اجعله خير
حلمت ان شباب بشتيل اقتنعو اخيرا ان الجمعيه بتاعتنا كلنا وانهم مش من بلد تانيه وانهم بيطالبو بحق اصيل ليهم بس بطريقه حلوه بدون عصبيه
حلمت ان الجمعيه نجحت في ايجاد ملعب لشباب بشتيل
حلمت ان اهل المعارضه من اجل المعارضه قدمو اقتراحات لمجلس الاداره وقال ايه المجلس تحمس للمقترحات وجاري تنفيذها
حلمت اني رحت الجمعيه ولاقيت كل اعضاء المجلس هناك في يوم في وسط الاسبوع
حلمت ان اللجان في الجمعيه شغاله الله ينور وكل لجنه فيها اكتر من عشر اعضاء وخصوصا الثقافيه
حلمت وحلمت وفجاءه لقيت امي بتصحيني عشان اتاخرت علي الشغل

مش باقلوكو مجرد احلاااااااااااااااااااااااااااااااااااااااااااااااااااااااااااام

يا سلام يا أمن تود لو أعرف إسمك
حلمت ان اللجان في الجمعيه شغاله الله ينور وكل لجنه فيها اكتر من عشر اعضاء وخصوصا الثقافيه
مع تحياتي
حلم

الي الاخ نصر
يا عم انت زعلان لييييييه دي مجرد احلاااااااااام وتشكر يا عم علي الندوه الجميله
ايمن داود
ما افتكرش ان اسمي هيغير حاجه من الموضوع

وشكراا

بسم الله الرحمن الرحيم
إلي الأخوة أخي الكريم أمن تود وأخي العزيز أيمن أحمد داود
السلام عليكم ورحمة الله وبركاته والصلاة والسلام علي سيدنا محمد وعلي أله وصحبه وسلم
إلتقي الأحباب والأهل والأصدقاء والجيران والمغتربين في الخارج والرسالة وأمن تود والقرية وجميع العائلات والروابط الأدندانكية عبر هذا الموقع والعبد لله مبسوط وليس حلم وأتمني أن تحلم لكي يتحقق الحلم الذي يراودني أن تتحقق في جمعيتنا في المئوية الثانية إن شاء الله تعالي بك وبالشباب إن شاء الله


والسلام عليكما ورحمة الله وبركاته
حلم

الأستاذ أمنتود

شكلك كدة كنت نايم في فندق خمس نجوم علشان تحلم أحلامك الجميلة دي. بس على فكرة دي مش أحلام . دي تهيؤات يا... أمنتود.
عبد الله عقيد

الاخ عبد الله عقيد
لا والله يا صاحبي وانت الصادق دي احلام بنتمني كلنا انها تتحقق والا هزعل من امي انها ما سابتنيش اكمل الحلم